Wright mætir Smith í úrslitum HM
Setja bókamerki
Englendingurinn Michael Smith og Skotinn Peter Wright mætast í úrslitaeinvígi heimsmeistaramótsins í pílukasti sem fram fer í Alexandra Palace í Lundúnum í kvöld.
Smith tryggði sér sæti í úrslitum með afar öruggum 6:3-sigri gegn Englendingnum James Wade í fyrri úrslitaeinvígi gærdagsins.
Í hinu undanúrslitaeinvíginu vann Wright 6:4-sigur gegn Skotanum Gary Anderson en Wright var talinn næstlíklegastur til þess að vinna keppnina fyrir mótið.
Sá líklegasti, Gerwin Price, var sleginn úr leik í átta liða úrslitum keppninnar af Michael Smith en Price vann mótið í fyrra.
Vinna þarf sjö sett til þess að tyggja sér heimsmeistaratitilinn en Wright fagnaði síðast sigri á mótinu árið 2020 þegar hann lagði Michael van Gerwen í úrslitaleik en þetta var annar úrslitaleikur Wrights. Hann tapaði fyrir Van Gerwen í úrslitaleik árið 2014.
Michael Smith hefur einu sinni áður komist í úrslitaleik heimsmeistaramótsins, árið 2019, en þá tapaði hann 3:7 fyrir Michael van Gerwen.
Guðlaugur býður sig ekki fram til formanns
Landris nálgast nú einn metra
Segir dóminn vonbrigði og líklega áfrýjað
„Skömm að því“
„Pólitískur hráskinnaleikur“ kom í veg fyrir samning
„Leiðinleg og erfið staða“
„Ég hef ekki lesið mína eigin bók“