Hálfnakinn í kuldanum í Peking

Ég hef einu sinni áður nýtt þennan vettvang til að skrifa um Pita Taufatofua. Taufatofua er hvað þekktastur fyrir að mæta ber að ofan og vel olíuborinn með fána Tonga á setningarathöfn Ólympíuleikanna. Hann gerði slíkt í þriðja skipti á Ólympíuleikunum í Tókýó á síðasta ári.

Hann lætur sér ekki nægja að keppa í taekwondo á sumarólympíuleikunum heldur hefur hann einnig keppt í skíðaspretti á vetrarólympíuleikum.

Þar mætir kappinn einnig ber að ofan á athafnirnar, þrátt fyrir mikinn kulda. Hann lætur svo snjóleysi á Tonga ekki aftra sér þegar kemur að því að keppa á skíðum á stærsta sviðinu.

Í síðasta pistli mínum um hinn magnaða Taufatofua skrifaði ég nokkur orð um Tonga, sem er eyjaklasi í Suður-Kyrrahafi. Áður en sá pistill var skrifaður hafði ég lítið kynnt mér eyjaklasann. Því miður komst hann í heimsfréttirnar í byrjun árs vegna gríðarstórs eldgoss sem olli mikilli eyðileggingu á Tonga.

Bakvörðurinn í heild sinni er í Morgunblaðinu í dag