Svíinn sló heimsmetið í Peking
Setja bókamerki
Svíinn Nils van der Poel sló eigið heimsmet í dag þegar hann varð Ólympíumeistari í 10.000 metra skautahlaupi á Vetrarólympíuleikunum í Peking.
Þetta er annað gullið sem van der Poel hreppir á þessum leikum en hann vann 5.000 metra skautahlaupið á nýju ólympíumeti um síðustu helgi.
Van der Poel brunaði tíu kílómetrana á 12 mínútum, 30,74 sekúndum, og sló ársgamalt heimsmet sitt. Patrick Roest frá Hollandi varð annar á 12:32,95 mínútum og Davide Ghiotto frá Ítalíu þriðji á 12:45,98 mínútum.
Þessi gullverðlaun hans eru þau fyrstu sem Svíar vinna í skautahlaupi á vetrarólympíuleikum í 34 ár, eða síðan Tomas Gustafson vann bæði 5.000 og 10.000 metrana í Calgary í Kanada árið 1988.
Van der Poel er 25 ára gamall og er frá Trollhättan, skammt norður af Gautaborg. Hann varð heimsmeistari í báðum greinunum á síðasta ári en það voru hans fyrstu stóru titlar í fullorðinsflokki á ferlinum, og jafnframt fyrstu heimsmeistaratitlar Svía í 48 ár. Áður varð hann heimsmeistari unglinga árið 2014.
Ekkert breyst í samstarfinu nema fylgi flokkanna
Nýtt að gestalistinn sé umræðuefni á Alþingi
„Meiri ágreiningur en við áttum von á“
Lofaði kjósendum að knýja fram breytingar
Andleg og líkamleg heilsa verri en annarra
„Lán að sá sem stóð við ræsið heyrði skruðningana“
„Ég veit hver aðkoma ráðuneytisins var“
