Austurríki skákaði nágrönnunum

Austurríki stóð uppi sem sigurvegari í samhliða svigi blandaðra liða á Vetrarólympíuleikunum í Peking í morgun þegar liðið hafði betur gegn nágrönnum sínum í Þýskalandi í úrslitunum í nótt.

Lið Austurríkis var skipað þeim Katharinu Truppe, Julian Rauchfuss, Emmu Aicher og Johannes Strolz og lið Þýskalands var skipað Lenu Dürr, Stefan Brennsteiner, Katharinu Liensberger og Alexander Schmid.

Báðum þjóðum gekk vel á leikunum þar sem Austurríki vann til sjö gullverðlauna og Þýskaland til 12.

Skömmu áður hafði Noregur tryggt sér bronsverðlaun með því að hafa betur gegn Bandaríkjunum í viðureigninni um þriðja sætið.

• Blogga um frétt