Egill og Irka meistarar í fyrsta skipti
Setja bókamerki
Egill Sigurðsson úr Víkingi og Irka Caicedo Jaroszynska úr Fjölni urðu Reykjavíkurmeistarar í fyrsta skipti þegar leikið var til úrslita á Víkingsvöllunum á dögunum.
Egill hefur æft og keppt erlendis undanfarin ár og er í 1.592. sæti á heimslista Alþjóða tennissambandsins. Hann vann Raj K. Bonifacius úr Víkingi 6:2 og 6:2 í úrslitaleiknum. Ólafur Helgi Jónsson úr Fjölni varð í þriðja sæti.
Irka keppti á sínu fyrsta Reykjavíkurmóti og hún vann Garima Nitinkumar Kalugade úr Víkingi i úrslitaleiknum, 6:3 og 6:4. Inga Eiríksdóttir úr Fjölni varð í þriðja sæti.
Irka varð einnig meistari í tvíliðaleik í meistaraflokki ásamt Sigríði Sigurðardóttur úr Þrótti en í tvíliðaleik karla sigruðu Valdimar Eggertsson frá HMR og Raj K. Bonifacius úr Víkingi.
Víkingur sigraði í liðakeppni mótsins, bæði í meistaraflokki karla og kvenna. Í karlaliðinu voru Egill Sigurðsson, Aleksandar Stojanovic, Árni Björn Kristjánsson og Raj K. Bonifacius. Í kvennaliðinu voru þær Emilía Eyva Thygesen, Garima Nitinkumar Kalugade og Kristín Hannesdóttir.
Áhyggjuefni ef gos hefst í vondu veðri
Lögreglan þyrfti sér kerfi fyrir ökklabönd
„Við treystum því að þetta muni fara vel“
Orkukostnaður sligar garðyrkjuna
Inga Sæland, eineltið og lögin í landinu
Óljóst um niðurstöðu styrkjamálsins
Óttast afleiðingar af skertu aðgengi