Kyrgios ákærður fyrir heimilisofbeldi

Ástr­alski tenn­is­leik­ar­inn Nick Kyrgi­os hef­ur verið ákærður fyr­ir heim­il­isof­beldi í garð fyrr­ver­andi kær­ustu sinn­ar í heimalandi sínu Ástr­al­íu. Þarf hann að mæta fyr­ir rétt í upp­hafi næsta mánaðar.

Frá þessu var greint í áströlsk­um fjöl­miðlum í dag.

„Ástr­alska lög­regl­an get­ur staðfest að 27 ára gam­all karl­maður frá Wat­son þarf að mæta fyr­ir rétt 2. ág­úst í tengsl­um við ákæru vegna lík­ams­árás­ar sem er sögð hafa átt sér stað í des­em­ber 2021,“ sagði í yf­ir­lýs­ingu frá áströlsk­um lög­reglu­yf­ir­völd­um sem þau sendu til CNN.

Ja­son Mof­fett, lög­fræðing­ur Kyrgi­os, sagði að hon­um væri kunn­ugt um ákær­una og skjól­stæðingi sín­um sömu­leiðis.

„Eðli ásak­an­anna er al­var­legt og herra Kyrgi­os tek­ur þeim grafal­var­lega,“ sagði Mof­fett í sam­tali við The Can­berra Times, sem greindi fyrst frá.

Mof­fett sagði Kyrgi­os ekki hafa neitt að segja um málið á þessu stigi en að þeir muni gefa út fjöl­miðla­yf­ir­lýs­ingu þegar fram líða stund­ir.

CNN hef­ur lagt fram fyr­ir­spyrn til skipu­leggj­enda Wimbledon-móts­ins varðandi það hvort ákær­an muni hafa áhrif á þátt­töku Kyrgi­os, sem er kom­inn í átta manna úr­slit á mót­inu, á því.

• Blogga um frétt