Rússar strax útilokaðir frá Ólympíuleikunum 2024?

Viðbúið er að íþrótta­fólk frá Rússlandi og Hvíta-Rússlandi fái ekki að taka þátt í Ólymp­íu­leik­un­um í Par­ís sum­arið 2024 vegna inn­rás­ar Rússa í Úkraínu fyrr á þessu ári.

Þó enn séu rúm tvö ár í Ólymp­íu­leik­ana tel­ur Skot­inn Craig Reedie, reynd­asti meðlim­ur Alþjóða Ólymp­íu­nefnd­ar­inn­ar, fyrr­ver­andi for­seti Alþjóða lyfja­nefnd­ar­inn­ar og formaður breska ólymp­íu­sam­bands­ins á ár­un­um 1992 til 2005, að þetta sé ákvörðun sem þurfi að taka mjög fljót­lega.

„Þar sem undan­keppni í hinum ýmsu grein­um fyr­ir leik­ana er að hefjast stend­ur íþrótta­fólk frá Rússlandi og Hvíta-Rússlandi frammi fyr­ir nýju vanda­máli því það fær ekki að taka þátt í hinum ýmsu mót­um þar sem það þyrfti að vera með til þess að vinna sér inn keppn­is­rétt á leik­un­um 2024," sagði Reedie í viðtali við The Guar­di­an í dag.

„Ég er smeyk­ur um að nú þurfi að taka ákvörðun um hvað eigi að gera með þess­ar tvær þjóðir, og mín til­finn­ing er sú að hin al­menna skoðun sé á þá leið að þær eigi ekki að fá að taka þátt í undan­keppni. Sem stend­ur er eng­in ein­föld leið fyr­ir hendi til að veita þessu íþrótta­fólki keppn­is­rétt og þess vegna verður óbreytt ástand enn um sinn," sagði Reedie.

Þetta óbreytta ástand hef­ur ríkt síðan í fe­brú­ar þegar Alþjóða ólymp­íu­nefnd­in mælti með því að íþrótta­fólk frá Rússlandi og Hvíta-Rússlandi yrði sett í bann frá keppni á alþjóðleg­um vett­vangi. „Til þess að viðhalda heil­ind­um íþrótta á heimsvísu og vegna ör­ygg­is allra kepp­enda," eins og nefnd­in orðaði það.

Þrjár íþrótta­grein­ar heim­ila Rúss­um keppni

Reedie sagði við The Guar­di­an að nú, fjór­um mánuðum síðar, væru flest­ir enn sam­mála þessu. Und­an­tekn­ing­arn­ar eru hjól­reiðar, júdó og tenn­is en í þess­um grein­um hef­ur Rúss­um verið leyft að keppa sem ein­stak­ling­um.

„En nú er vanda­málið komið fram tveim­ur árum fyr­ir Ólymp­íu­leik­ana því alþjóðasam­bönd­in og Ólymp­íu­nefnd­in eru að setja af stað undan­keppni í hinum ýmsu grein­um. Þar með eru fjöl­mörg alþjóðasam­bönd í vanda því þau eru með skýr fyr­ir­mæli um og hafa samþykkt að þau muni ekki bjóða rúss­nesku eða hví­trúss­nesku íþrótta­fólki  til keppni," sagði Reedie.

„Þess vegna er orðið mjög ólík­legt að kepp­end­ur frá þess­um lönd­um myndu vinna sér inn keppn­is­rétt á leik­un­um, nema í þess­um þrem­ur grein­um sem völdu að fara aðra leið. Það yrði erfitt fyr­ir Rússa að kom­ast inn í undan­keppni sem væri þegar langt kom­in á leið. Það væri ekki hægt að segja við aðra kepp­end­ur þegar hún væri hálfnuð að það væri allt í einu búið að breyta regl­un­um," sagði Craig Reedie.

• Blogga um frétt