Klara Bjart­marz, fram­kvæmda­stjóri KSÍ, seg­ir í viðtali við mbl.is að staðan á leik­manna­hópn­um sé mjög góð að frá­töld­um þeim meiðslum sem getið hef­ur verið í fjöl­miðlum. 

Vís­ar hún þá til Cecil­íu Rán­ar Rún­ars­dótt­ur sem er fing­ur­brot­in og Thelmu Ívars­dótt­ur sem meidd­ist á æf­ingu í gær. 

„Liðið er til­búið í leik­inn og stemmn­ing­in er frá­bær. Mjög mik­il yf­ir­veg­un og létt­leiki í hópn­um og þær gera sér vel grein fyr­ir verk­efn­inu sem er fram und­an,“ seg­ir Klara enn frek­ar. 

Frétt af mbl.is

Troðfullt aðdá­enda­svæði Íslands og löng biðröð

Klara kveðst í skýj­un­um með mæt­ingu Íslend­inga til Eng­lands til að fylgja liðinu eft­ir. Um tvö þúsund Íslend­ing­ar eru á svæðinu en gert er ráð fyr­ir að um 120 Ítal­ir mæti á völl­inn í dag þegar liðin mæt­ast. KSÍ hef­ur hvatt fólk til að mæta snemma á aðdá­enda­svæði og upp­lifa stemmn­ing­una enda er hún engu lík. 

Klara ásamt Óskari syni sín­um að spila á aðdá­enda­svæðinu. Ljós­mynd úr einka­safni

Kom­in í vand­ræði með miða

„Við erum eig­in­lega kom­in í vand­ræði núna. Miðakerfi UEFA er ekki í mesta upp­á­haldi hjá mér. Við erum að reyna að leysa úr þeim flækj­um sem eru. Við erum með miðalaust fólk og við erum að reyna að gera allt til að koma þeim inn á völl­inn í þau lausu sæti sem við vit­um að eru til staðar,“ seg­ir Klara, spurð út í stöðu miðasöl­unn­ar. 

Hverj­ar eru vænt­ing­ar þínar til leiks­ins í dag?

„Vænt­ing­ar mín­ar eru þær að við gef­um allt í leik­inn og berj­umst um hvern ein­asta bolta og tök­um hverja ein­ustu tæk­lingu. Ef að við ger­um það þá vinn­um við leik­inn.“

Tengd­ar frétt­ir

EM 2022

Úrvalslið Evr­ópu­móts­ins

• Vilja vera ein af ljónynj­un­um
• Leikmaður breytt­ist í blaðamann
• Hljóm­ar vel en er svo­lítið sárt
• Kannski aðeins of mikið áfengi

» Fleiri tengd­ar frétt­ir

• Blogga um frétt