„Þetta var baráttuleikur. Við vorum þéttar fyrir – þær lágu svolítið á okkur en það er mikil barátta í liðinu og ég er mjög stolt af þeim,“ segir Áslaug Munda Gunnlaugsdóttir, vararmaður í landsliði Íslands í knattspyrnu, að leik Íslands og Ítalíu loknum. 

Áslaug kom inn á völlinn í lok leiksins, á áttugustu og sjöundu mínútu. Spurð hvernig henni þótti að koma inn í fyrsta skipti á stórmótinu sagðist hún ánægð með að hafa fengið tækifærið þrátt fyrir að það hafi verið stutt spil. 

Frétt af mbl.is

Litla systir með stórstjörnunum

Áslaug er, líkt og áður hefur verið greint frá á mbl.is, með stórt fylgdarlið með sér á mótinu, alls fjörtíu manns. Hún segist ótrúlega þakklát fyrir fjölskylduna. „Þau eru bara ótrúleg. Mér finnst mjög gaman að heyra í þeim og vita af þeim,“ segir hún. 

„Ég er bara spennt fyrir næsta leik. Þetta verður erfiður leikur en við vitum hvað er undir en við mætum tvíefldar í þann leik,“ segir Áslaug spurð hvernig hún sé stemmd í leik Íslands gegn Frakklandi á mánudaginn.

Tengdar fréttir

EM 2022

Úrvalslið Evrópumótsins

• Vilja vera ein af ljónynjunum
• Leikmaður breyttist í blaðamann
• Hljómar vel en er svolítið sárt
• Kannski aðeins of mikið áfengi

» Fleiri tengdar fréttir

• Blogga um frétt