35 ára móðir vann gullið

Þrjár kon­ur frá Jamaíka voru á verðlaunap­all­in­um í 100 metra­hlaup­inu á HM í frjálsíþrótt­um sem fer fram í Eug­ine, Banda­ríkj­un­um. Sú fyrsta var 35 ára göm­ul móðir, Shelly-Ann Fraser-Pryce en hún hljóp 100 metr­ana á 10.67 sek­únd­um í nótt.

Fraser-Pryce leiddi hlaupið all­an tím­ann og kom í mark 0.06 sek­únd­um á und­an Shericka Jackson sem hlaut silfrið. Í þriðja sæti var Elaine Thomp­son-Herah á 10.81.

Fraser-Pryce var heims­meist­ari í 100 metr­un­um í 5. sinn enn húnn vann einnig árin 2009, 2013, 2015 og 2019. Hún vann einnig Ólymp­íu­leik­anna 2008 og 2012 í 100 metr­um.

Þetta er tí­undi heims­meist­ara­tit­ill­inn henn­ar í heild­ina en einnig er hún þre­fald­ur Ólymp­íu­meist­ari og hef­ur fjór­um sinn­um fengið silfrið á Ólymp­íu­leik­un­um

Hún varð móðir árið 2017 og á nú 4 ára son hann Zyon „Mér finnst ég njóta bless­un­ar að hafa þessa hæfi­leika og geta haldið áfram að gera þetta 35 ára göm­ul, orðin móðir. Ég held enn áfram og von­andi veiti ég öðrum kon­um inn­blást­ur um hvað þær geti gert á sín­um eig­in ferli,“ sagði Fraser-Pryce en þetta er í annað skipti sem hún verður heims­meist­ari eft­ir að hún varð móðir, fyrsta skiptið var 2019.

„Ég get ekki ímyndað mér hversu oft það hef­ur komið bak­slag en ég hef komið til baka og ég er ennþá hér,“ sagði Fraser-Pryce.

• Blogga um frétt