Íslandsmeistarinn Arnar Pétursson kom fyrstur í mark í maraþoni Reykjavíkurmaraþonsins sem fór fram í morgun. Hann kom í mark á tímanum 2:35:18 en aðeins munaði nokkrum sekúndum á honum og Silviu Stoica sem var í öðru sæti. Silviu kom í mark á tímanum 2:35:37.

Þetta kemur fram á vef Reykjavíkurmaraþonsins.

Arnar og Silviu voru hnífjafnir allt hlaupið og áttu rosalegan endasprett að sögn viðstaddra.

Íslandsmeistarinn Andrea Kolbeinsdóttir kom í mark fyrst kvenna á tímanum 2:47:22.