Katla lauk fyrri ferð – Shiffrin efst

Katla Björg Dagbjartsdóttir lauk fyrri ferð í svigi  á HM í alpagreinum í Meribel í Frakklandi í morgun.

Katla Björg kom í mark á tímanum 1:00,96 og er þegar þetta er ritað í 65. sæti af þeim 94 keppendum sem hafa lokið fyrri ferð.

Hin banda­ríska Mika­ela Shif­fr­in, sig­ur­sæl­asta skíðakona sög­unn­ar, er efst eft­ir fyrri ferðina eftir að hafa komið í mark á 52,54 sekúndum.

Hin svissneska Wendy Holdener er í öðru sæti eftir fyrri ferð eftir að hafa komið í mark á 52,73 sekúndum.

• Blogga um frétt