SR er Íslandsmeistari eftir 14 ára bið

SA-Vík­ing­ar úr Skauta­fé­lagi Ak­ur­eyr­ar og Skauta­fé­lag Reykja­vík­ur mætt­ust í hrein­um úr­slita­leik um Íslands­meist­ara­titil­inn í ís­hokkí í kvöld. Leikið var í pakk­fullri Skauta­höll­inni á Ak­ur­eyri og var mik­il stemn­ing meðal áhorf­enda, sem flest­ir voru á bandi SA.

SA-Vík­ing­ar höfðu unnið Hertz-deild­ina nokkuð sann­fær­andi og voru því með heima­leikja­rétt í úr­slita­keppn­inni. Hvort lið hafði unnið tvo leiki í henni. Leik­ur kvölds­ins var fyrsti odda­leik­ur í úr­slita­keppn­inni í tíu ár. Var enda raf­mögnuð spenna í loft­inu fyr­ir leik og mátti sjá fjöl­marga blá­klædda stuðnings­menn Reyk­vík­inga meðal áhorf­enda.

Fyr­irliðinn Bjarki Jó­hann­es­son tek­ur við Íslands­meist­ara­bik­arn­um. Ljós­mynd/​Krist­ín Hall­gríms­dótt­ir

SA var á hött­un­um eft­ir fimmta titli liðsins í röð en SR-ing­ar unnu síðast árið 2009 og sáu gullið tæki­færi á að bæta titli í safnið og ljúka eyðimerk­ur­göngu fé­lags­ins.

Eft­ir æsispenn­andi leik þá var það SR sem hafði 4:3-sig­ur og gátu gest­irn­ir fagnað vel og inni­lega í leiks­lok.

Fyrsti leik­hlut­inn var bráðfjör­ug­ur og var staðan 2:2 eft­ir hann. SA var lík­lega aðeins sterk­ari aðil­inn á fyrstu mín­út­un­um og þegar SR-ing­ar fóru að missa leik­menn af velli vegna brota þá óx heima­mönn­um ásmeg­in.

Þeir skoruðu fyrsta mark leiks­ins um miðjan leik­hlut­ann en þá komust fjór­ir Vík­ing­ar í sókn gegn ein­um varn­ar­manni SR-inga og eft­ir­leik­ur­inn var auðveld­ur. Hafþór Andri Sigrún­ar­son skoraði markið, 1:0.

Leik­menn SR þakka fyr­ir sig í leiks­lok. Ljós­mynd/​Krist­ín Hall­gríms­dótt­ir

Rúm­lega mín­útu síðar var orðið jafnt. Axel Orong­an setti pökk­inn í netið eft­ir að hafa verið að dóla með hann í ró­leg­heit­um í kring­um mark heima­manna, 1:1.

Það var svo í þriðju yf­ir­tölu SA-Vík­inga að þeir komust yfir á ný. Jó­hann Már Leifs­son átti gott skot út við stöng sem söng í net­inu, 2:1.

SR jafnaði svo leik­inn í sinni fyrstu yf­ir­tölu og kom markið 4 sek­únd­um fyr­ir lok leik­hlut­ans. Ólaf­ur Björns­son átti skot sem Jakob Jó­hanns­son náði ekki að bægja frá og Axel lá eins og gamm­ur við fjær­stöng­ina og þrýsti pökkn­um yfir lín­una, 2:2.

Ann­ar leik­hlut­inn var rétt byrjaður þegar SR komst yfir með skraut­legu marki. Löng og há send­ing kom fram völl­inn þar sem pökk­ur­inn braut næst­um ljósa­per­urn­ar í Skauta­höll­inni. Varn­ar­maður SA ætlaði sér að grípa pökk­inn og taka hann niður en það mis­heppnaðist hrap­alega. Pét­ur Maack fékk pökk­inn til sín þar sem hann var al­einn nærri marki SA. Hann lék bara upp að marki og skoraði, 3:2 fyr­ir SR.

Stuðnings­fólk SR var ánægt með sína menn í kvöld. Ljós­mynd/​Krist­ín Hall­gríms­dótt­ir

SA jafnaði nokkru síðar og var þar Hafþór Sigrún­ar­son að verki eft­ir góðan sprett upp hægri kant­inn. Ekki komu fleiri mörk í öðrum leik­hlut­an­um þrátt fyr­ir mikla orra­hríð og staðan því 3:3 fyr­ir loka­bar­dag­ann.

Í hon­um var það SR sem skoraði mark nokkuð snemma og komu sér ú 4:3. Kom það mark eft­ir kl­afs og baks upp við mark SA og tókst Kára Arn­ars­syni að koma pökkn­um út við stöng á marki SA. Reynd­ist þetta loka­mark leiks­ins og þá sig­ur­markið. Kári skoraði því sig­ur­mark í tveim­ur síðustu leikj­um liðanna.

Maður leiks­ins verður hins veg­ar að telj­ast Atli Valdi­mars­son, markvörður SR. Hann varði jafnt og þétt all­an leik­inn og í raun í serí­unni allri. Á loka­sek­únd­um þessa leiks kór­ónaði hann svo leik sinn með því að verja tví­veg­is frá Unn­ari Rún­ars­syni.

SA	3:4	SR	Opna lýs­ingu Loka
60. mín. SA Texta­lýs­ing Atli ver hörku­skot frá Jó­hanni.
Hafþór Sigrúnarson (9. mín.) Jóhann Leifsson (17. mín.) Hafþór Sigrúnarson (30. mín.) Mörk Axel Orongan (10. mín.) Axel Orongan (20. mín.) Pétur Maack (23. mín.) Kári Arnarsson (48. mín.) mín. 60 Leik lokið SR er Íslandsmeistari og það er sko vel fagnað. Þeir áttu þetta fyllilega skilið, komu þrisvar á heimavöll Akureyringa og unnu tvisvar. þetta var magnaður leikur og magnaður sigur. 60 Tíu sekúndur. 60 Unnar fær tvö dauðafæri en Atli ver á ótrúlegan hátt. 60 Atli ver hörkuskot frá Jóhanni. 59 Heimamenn eru að tapa titlinum. 58 Hafþór Sigrúnarson (SA) 2 mín. brottvísun Þetta er afar slæmt fyrir SA. Nú getur SR gert út um þetta. 56 SR er svo nálægt þessi. SA er ekki að skapa neitt af færum. 51 Mark SR-inga losnaði en nú eru Reykvíkingar 9 mínútur frá sínum fyrsta titli í 14 ár. 49 Það eru fimm gegn þremur inni á vellinum núna. 49 Unnar Rúnarsson (SA) 2 mín. brottvísun Unnar fær tvöfalda refsingu og er ekki að hjálpa félögum sínum með því. 49 Styrmir Maack (SR) 2 mín. brottvísun Menn eru að fjúka út af í bunkun hérna. 49 Unnar Rúnarsson (SA) 2 mín. brottvísun 48 MARK! Kári Arnarsson (SR) Mark 3:4. Kári fylgir vel eftir skoti sínu og pökkurinn spýtist í markið. 47 Jóhann Leifsson (SA) 2 mín. brottvísun 46 Ævar Arngrímsson (SR) 2 mín. brottvísun 44 Atli Sveinsson (SA) 2 mín. brottvísun Nú verður spenna. 41 Þriðji leikhluti hafinn Jája, nú verður sorfið til stáls. 40 Öðrum leikhluta lokið Enn er jafnt. Spennan eykst með hverri mínútunni sem líður og liðið sem skorar næst verður í ágætis málum. 38 Markús Ólafarson (SR) 2 mín. brottvísun 38 Atli er bara á tvöfaldri vakt í marki SR. Sá er í stuði og hann ver eins og berserkur hvað eftir annað. 32 Pétur Sigurðsson (SA) 2 mín. brottvísun 30 MARK! Hafþór Sigrúnarson (SA) Mark 3:3. Hafþór vinnur pökkinn á eigin varnarsvæði og nær að skjóta sér upp hægri kantinn. Hann kemst inn að marki og lætur vaða. Pökkurinn fer yfir öxlina á Atla og upp í bláhornið. 25 Enn er Atli að verja frá nafna sínum í liði SA. 23 SA kemst í dauðafæri manni færri. Pökkurinn hefur viðkomu í einum dómaranna og heimamenn stela honum, bruna fram og ná skoti. Atli ver. 23 MARK! Pétur Maack (SR) Mark 2:3. Hrikaleg mistök í vörn SA. Markús Máni á háa sendingu fram á varnarsvæði SA. Pökkurinn fer hátt í loft upp og varnarmaður SA ætlar að taka hann niður. Hann missir af pökknum og Pétur sleppur í gegn. Pétur er ekki í neinum vandræðum með að setja pökkinn fram hjá Jakobi. Markús Máni fær stoðsendingu á þetta, en það er bara galið. 22 Unnar kemst á auðan sjó en Atli ver frá honum. 21 Annar leikhluti hafinn 20 Fyrsta leikhluta lokið Já, já. Þetta er alveg eins og það á að vera Allt jafnt og mikil spenna. 20 MARK! Axel Orongan (SR) Mark 2:2. 20 Ingvar Jónsson (SA) 2 mín. brottvísun Ingvar brotlegur. 19 Atli Sveinsson á skot sem Atli Valdimarsson ver með öxlinni. 17 Markús Máni á fínt skot en Jakob ver. 17 Pétur Maack (SR) 2 mín. brottvísun Enn er refsing. Þetta er mjög slæmt fyrir SR. 17 MARK! Jóhann Leifsson (SA) Mark 2:1. Heimamenn voru fljótir að nýta sér þessa yfirtölu. Jóhann smurði pökkinn út við stöng vinstra megin og Atli í markinu með lítið útsýni. 17 Gabríel Gunnlaugsson (SR) 2 mín. brottvísun Enn fer SR-ingur í refsingu. Þetta verður erfitt fyrir þá. 16 Þarna tók Atli eitt skot með grímunni, sýndist mér. SA er í stanslausri sókn. 14 Ævar Arngrímsson (SR) 2 mín. brottvísun Ævar er hálfgerður síbrotamaður í þessu einvígi. 12 Heiðar á skot að marki SA, sem stefnir í samskeytin. Jakob nær að slæma höndinni í pökkinn. 10 MARK! Axel Orongan (SR) Mark 1:1. Þetta var mjög laglega gert en varnarmenn SA voru lítið að hafa áhtggjur af Axel. Hann skautaði heilan hring í kring um mark SA og lét svo vaða úr þröngu færi. Hann náði að þræða nálaraugað og pökkurinn lá í netinu. 9 MARK! Hafþór Sigrúnarson (SA) Mark 1:0. Vá. SR missir pökkinn á miðjum vellinum og allt í einu eru fjórir SA-ingar komnir í sókn gegn einum varnarmanni. Heimamenn spiluðu að skynsemi og galopnuðu markið svo Hafþór þurfti ekki annað en að renna pökknum í það. 7 Heimamenn þjarma hressilega að SR-ingum núna. 6 Markús Ólafarson (SR) 2 mín. brottvísun SA gæti nýtt sér þetta. 5 Skotin fljúga nú á mark SR-inga en Atli Valdimarsson er að verja allt. 3 Hætta við mark SR en heimamenn koma ekki skoti á rammann. 2 Bæði lið byrja á fullu gasi. 1 Leikur hafinn 0 Jæja, þá fer þetta að byrja. 0 Það styttist í leik. Liðin eru að hita upp, það er sungið á pöllunum og undir þeim söng hljómar Cherry Pie með Warrant. 0 Ef leikurinn verður jafn eftir þrjá leikhluta og 60 mínútur verður spilaður bráðabani í fimm mínútur þar sem aðeins þrír útileikmenn úr hvoru liði verða inni á svellinu í einu. 0 Nú er það spurning hvort þjálfarar liðanna breyti einhverjum áherslum í leik sinna manna. Liðin eru að mætast í fimmta skiptið á tíu dögum og kannski ekki rúm fyrir miklar breytingar. 0 Liðin mættust átta sinnum í deildarkeppninni í vetur. SA vann sjö leiki en SR einn. Markatalan var þar 45:21 SA í vil. Í úrslitakeppninni hefur verið mun meira jafnræði með liðunum og markatalan 16:15 SA í vil. 0 Þetta er í fyrsta skipti í 10 ár sem úrslitaeinvígið í íshokkí fer í oddaleik. 0 SA hefur unnið titilinn síðustu fjögur skipti sem um hann hefur verið spilað, árin 2018, 2019, 2021 og 2022. Keppni féll niður árið 2020 vegna faraldurs. 0 Reykvíkingar unnu titilinn þrisvar á fjórum árum, árin 2006, 2007 og 2009. Áður höfðu þeir unnið árin 1999 og 2000. 0 SA og SR eru gamlir erkifjendur í hokkíinu og hafa unnið alla Íslandsmeistaratitla sem í boði hafa verið, nema tvo. SA er með langflesta titla, 23 talsins. SR hefur fimm sinnum orðið Íslandsmeistari en Björninn og UMFK Esja hafa náð einum titli hvort lið. 0 Liðin hafa unnið tvo leiki hvort og verður sigurvegarinn í kvöld Íslandsmeistari. SR vann fyrsta leik 7;3 en SA vann tvo næstu leiki 5:2 og 4:1. SR vann fjórða leikinn 5:4 eftir framlengingu. 0 Gott kvöld og verið velkomin með mbl.is í beina textalýsingu frá oddaleik SA og SR á Íslandsmóti karla í íshokkí. Sjá meira Sjá allt Lýsandi: Einar Sigtryggsson Völlur: Skautahöll Akureyrar Leikur hefst 30. mars 2023 19:30

• Blogga um frétt