Snæfríður jafnaði Íslandsmet sitt frá í morgun

Sundkonan Snæfríður Sól Jórunnardóttir jafnaði Íslandsmet sitt í 100 metra skriðsundi frá því í morgun í úrslitum á Danish Open sundkeppninni. Hún synti á tímanum 55,18 sekúndur sem er sá nákvæmlega sami og í morgun.

Í morg­un synti Snæfríður Sól á 55,18 sek­únd­um en fyrra met henn­ar, sem var tæp­lega mánaðar gam­alt, var 55,61 sek­únda. Svo seinna í dag jafnaði sundkonan met sitt.  

Snæfríður Sól synti einnig 50m flugsund í gær á tímanum 27,06 og tryggði sér HM50 lágmark í þeirri grein, Snæfríður er því komin með tvö HM50 lágmörk fyrir HM sem fer fram í Fukuoka í Japan í júlí.

• Blogga um frétt