Daníel og Arna tvöfaldir Íslandsmeistarar
Setja bókamerki
Gerda Voitechovskaja vann sinn fyrsta Íslandsmeistaratitil í einliðaleik í badminton er hún bar sigur úr býtum gegn Sigríði Árnadóttur í hörkuspennandi úrslitaleik, en leiknum lauk með sigri Gerdu í þremur lotum 21:19, 22:24 og 21:15.
Daníel Jóhannesson varði titil sinn frá því í fyrra og þann þriðja í röð gegn Kára Gunnarssyni sem unnið hefur titilinn níu sinnum, en leikurinn fór 21:13 og 21:14.
Í tvíliðaleik kvenna sigruðu Sigríður Árnadóttir og Arna Karen Jóhannsdóttir þær Sólrúnu Önnu Ingvarsdóttur og Unu Hrund Örvar 21:4 og 21:12.
Í tvíliðaleik karla sigruðu Davíð Bjarni Björnsson og Kristófer Darri Finnsson þá Bjarka Stefánsson og Daníel Thomsen 21:7 og 21:11.
Síðasti leikur dagsins var tvenndarleikur en þar öttu kappi Davíð Bjarni Björnsson og Arna Karen Jóhannsdóttir annars vegar og Daníel Jóhannesson og Sigríður Árnadóttir hins vegar og fór svo að Davíð Bjarni og Arna Karen höfðu betur í tveimur lotum 21:11 og 21:17. Eru Davíð Bjarni og Arna Karen því tvöfaldir Íslandsmeistarar í badminton 2023.
„Þetta er auðvitað í höndum kennara núna“
Aukin áhersla á samtal um varnarmál
Ráðherrar eigi ekki að ýja að ítökum innan lögreglu
Fuglainflúensa greindist í ref
Tregða í verðbólgunni
Flugvél hrapaði í Fíladelfíu
Ráðherra ekki upplýstur
Litla stelpan með perlurnar