Franska lögreglan réðst inn á skrifstofur skipulagsnefndar Ólympíuleikanna, sem haldnir verða í París 2024, í morgun. 

CNN greinir frá.

Innrásin er flokkuð sem „undirbúningsrannsókn“ á óviðeigandi fjárhagslegum samningum og opinberum fjármunum, staðfesti franski ríkissaksóknari fjármálaeftirlitsins við CNN. 

Lögreglan réðst inn á nokkra staði, þar á meðal skrifstofur Ólympíunefndarinnar sem og höfuðstöðvar SOLIDEO, opinberrar stofnunar sem ber ábyrgð á stórum hluta framkvæmda og innviða í kringum leikana í París 2024. 

Rannsókn á málinu var opnuð árið 2017 af frönsku lögreglunni gegn spillingu á leikunum. Önnur rannsókn var opnuð í fyrra af annarri sérhæfðri fjármáladeild frönsku lögreglunnar, sem rannsakaði ákærur um „ólöglega hagsmunaárekstra, ívilnun og leyndri ívilnun í tengslum við samninga.“

Ólympíuráðið er sagt vera í fullri samvinnu við rannsakendur til að auðvelda vinnu þeirra. Ólympíuleikarnir hefjast 26. júlí á næsta ári og standa til 11. ágúst. 

Tengdar fréttir

Ólympíuleikarnir í París

Barnapössun í fyrsta skipti frá upphafi í ólympíuþorpinu

• Rofar til í Signu
• Leyfa loks loftræstingu í Ólympíuþorpinu
• Vara við miklum hita á Ólympíuleikunum
• Táningur grunaður um undirbúning að hryðjuverkum

» Fleiri tengdar fréttir

• Blogga um frétt