Hafdís og Ingvar Íslandsmeistarar

Í gærkvöld fór fram Íslandsmótið í götuhjólreiðum á Þingvöllum. Hafdís Sigurðardóttir og Ingvar Ómarsson stóðu uppi sem Íslandsmeistarar.

Í úrvals flokkum voru hjólaðir samtals 135 kílómetrar í karlaflokki og 118 km í kvennaflokki.

Ræst var í námunda við þjónustumiðstöðina á Þingvöllum, veg 36 niður að vegi 35, til baka að Þingvöllum um vegi 350 og 360. Þegar komið var inn á Þingvelli aftur voru hjólaðir tveir hringir í kvennaflokki og þrír í karlaflokki réttsælis, sem vegir 36 og 361 mynda. Lokamarkið var svo á vegi 361, stuttu eftir Efrivallarvegs afleggjarann.

Í fyrsta skiptið var einnig keppt um sama titil í flokki handhjólara. Sigurvegari í þeim flokki var Arna Sigríður Albertsdóttir.

Úrslit kvöldsins í A-flokkunum voru þessi:

A-flokkur kvenna:

1. Hafdís Sigurðardóttir - 1989 Félag: HFA

2. Silja Jóhannesdóttir - 1988 Félag: HFA

3. Ágústa Edda Björnsdóttir - 1977 Félag: Tindur

A-flokkur karla:

1. Ingvar Ómarsson - 1989 Félag: Breiðablik

2. Kristinn Jónsson - 2000 Félag: HFR

3. Hafsteinn Ægir Geirsson - 1980 Félag: Tindur

U23 kvenna:
1. Bergdís Eva Sveinsdóttir - 2003 Félag: HFR 

U23 karla:
1. Davíð Jónsson- 2004 Félag: HFR 
2. Breki Gunnarsson - 2004 Félag: HFR 
3. Þorbjörn Bragi Jónsson - 2001 Félag: Tindur

Handhjól
Elite flokkur kvenna:

1. Arna Sigríður Albertsdóttir - 1990 Félag: HFR 

• Blogga um frétt