Sara og Sigurður Íslandsmeistarar í ofursprettþraut

Sara Árnadóttir og Sigurður Örn Ragnarsson eru Íslandsmeistarar í ofursprettþraut en Íslandsmótið fór fram í og við Vatnaveröld í Reykjanesbæ í morgun. Mótið var jafnframt síðasta stigamótið í bikarkeppni sumarsins.

Íslandsmótið hefur farið fram á sömu braut síðan 2011 þar sem vegalengdin er 400m sund, 10km hjól (4 hringir) og 2,5km hlaup.

Í kvennaflokki varð Sara Árnadóttir úr Ægi Íslandsmeistari á tímanum 39.13, í öðru sæti á tímanum 40.28 var svo Brynja Dögg Sigurpálsdóttir en hún kemur einnig úr Ægi. Anna Kristjana Vilhjálmsdóttir, úr Breiðabliki hafnaði í þriðja sæti á tímanum 47.30.

Í karlaflokki varð Sigurður Örn Ragnarsson Íslandsmeistari á tímanum 31.21, Stefán Karl Sævarsson varð annar á tímanum 32.15 og þriðji varð Bjarni Jakob Gunnarson á tímanum 32:59 en þeir keppa allir fyrir Breiðablik.

Í byrjendaflokki sigruðu Elísabet Einarsdóttir og Arnar Páll Gíslason. Kvennalið Ægis og karlalið Breiðabliks sigruðu stigakeppnina og Ægir vann samanlagða stigakeppni með 266 stigum á móti 260 stigum Breiðabliks.

Nánari úrslit eru hér: https://timataka.net/sprettthraut2023/ 

Endanleg úrslit í bikarkeppni sumarsins eru eftirfarandi: 

Kvennaflokkur
1. Sara Árnadóttir, Ægir 240
2. Ewa Przybyla, Breiðablik 116
3. Brynja Dögg Sigurpálsdóttir, Ægir 140

Karlaflokkur
1. Sigurður Örn Ragnarsson, Breiðablik 250
2. Bjarni Jakob Gunnarsson, Breiðablik 202
3. Hákon Hrafn Sigurðsson, Breiðablik 156

Ægir sigraði stigakeppni félaga, Breiðablik varð í öðru sæti og Sundfélag Hafnarfjarðar í þriðja sæti. 

• Blogga um frétt