Vignir Vatnar nýr Íslandsmeistari í hraðskák
Setja bókamerki
Vignir Vatnar Stefánsson sigraði Friðriksmót Landsbankans í dag og er því nýr Íslandsmeistari í hraðskák. Hann hlaut 12½ vinning af 13 mögulegum, sem er met.
Vignir er núna því bæði Íslandsmeistari í skák og hraðskák. Hann gæti náð þrennunni ef hann vinnur Íslandsmótið í atskák sem fram fer á Selfossi þann 30. desember.
Í tilkynningu frá Skáksambandi Íslands segir að aldrei hafi mótið unnist með víðlíka vinningafjölda og með jafnmiklum yfirburðum. Aðeins einn hafi náði jafntefli við kappann.
Sex stórmeistarar tóku þátt
Jón Viktor Gunnarsson hafnaði í öðru sæti með 10 vinninga. Björn Þorfinnsson og Hilmar Freyr Heimisson deildu þriðja og fjórða sæti með 9½ vinning. Helgi Ólafsson og Helgi Áss Grétarsson höfnuðu í 5.-6. sæti með 9 vinninga.
Mótið var haldið í 20. skipti í dag, en í fyrsta skipti í nýjum höfuðstöðvum Landsbankans. Sex stórmeistarar tóku þátt en alls tóku 90 keppendur þátt.
Fjallvegir á Vestfjörðum og víða um land á óvissustigi
Gular viðvaranir í dag og á morgun
Lítil snjóflóð fallið og vegum lokað á Vestfjörðum
„Átti von á fleiri útköllum“
Þungt ástand í margar vikur vegna RS-veiru
Fundaði með starfsfólki í fjóra tíma í gær
„Nánast aftakaveður þegar hryðjurnar ganga yfir“