Rússneskt og hvítrússneskt íþróttafólk óvelkomið í París

Anna Hidalgo, borgarstjóri Parísar, sagði í dag að rússneskir og hvítrússneskir íþróttamenn væru „óvelkomnir“ á Ólympíuleikanna sem verða haldnir í frönsku höfuðborginni í sumar.

„Ég vil láta rússneska og hvítrússneska íþróttamenn vita að þeir eru óvelkomnir í París og láta úkraínska íþróttamenn og úkraínsku þjóðina vita að við styðjum hana af heilum hug,“ sagði Hidalgo í myndskeiði sem úkraínski miðilinn United News birti. 

Hidalgo er nú stödd í Kænugarði þar sem hún heimsótti meðal annars æfingamiðstöð fyrir úkraínska íþróttamenn. 

Frétt af mbl.is

Rússar fá að keppa á Ólympíuleikum

Rússneskir íþróttamenn mega keppa á Ólympíuleikunum í sumar undir hlutlausum fána.  

Rússlandi og Hvíta-Rússlandi hefur verið bannað að taka þátt í opnunarathöfn leikanna sem hefjast 26. júlí og lýkur þeim 11. ágúst. 

Yfirvöld í Moskvu hafa sakað alþjóðaólympíunefndina um „nýnasisma.

• Blogga um frétt