Fjórir nýir í ólympíuhópinn

Fjórir nýir íþróttamenn eru komnir í ólympíuhóp ÍSÍ en hópurinn samanstendur af afreksíþróttafólki sem á góða möguleika á að vinna sér inn þátttökurétt á Ólympíuleikunum í París í sumar.

Sundmaðurinn Anton Sveinn McKee er eini Íslendingurinn sem hefur tryggt sér sæti á leikunum og er hann einn þrettán íþróttamanna á listanum.

Langhlauparinn Baldvin Þór Magnússon, kúluvarparinn Erna Sóley Gunnarsdóttir, Ingibjörg Erla Grétarsdóttir, taekwondo, og klifurkonan Svana Bjarnason bætast við síðasta lista. Karlalandsliðið í handbolta fellur af listanum, enda á ekki lengur möguleika á að komast á ÓL.

Hópurinn í dag samanstendur af þrettán keppendum úr einstaklingsgreinum sem allir eiga góða möguleika á því að tryggja sér þátttökurétt. Að auki hefur ÍSÍ möguleika á því að fá úthlutað boðssætum, en slíkt mun koma í ljós í byrjun sumars. 

Ólympíuhópurinn:

• Anton Sveinn McKee, sund
• Baldvin Þór Magnússon, langhlaup
• Eygló Fanndal Sturludóttir, lyftingar
• Erna Sóley Gunnarsdóttir, kúluvarp
• Guðlaug Edda Hannesdóttir, þríþraut
• Guðni Valur Guðnason, kringlukast
• Hákon Þór Svavarsson, haglabyssuskotfimi
• Hilmar Örn Jónsson, sleggjukast
• Ingibjörg Erla Grétarsdóttir, taekwondo
• Snæfríður Sól Jórunnardóttir, sund
• Svana Bjarnason, klifur
• Thelma Aðalsteinsdóttir, áhaldafimleikar
• Valgarð Reinhardsson, áhaldafimleikar

• Blogga um frétt