Emma Hayes, landsliðsþjálfari bandaríska kvennalandsliðsins í knattspyrnu, hefur valið leikmannahóp fyrir Ólympíuleikana í París í sumar. Athygli vekur að Alex Morgan, skærasta stjarna liðsins undanfarinn áratug var ekki valin.
Morgan hefur spilað fyrir landslið Bandaríkjanna undanfarin fjórtán ár og á að baki 224 landsleiki og 123 mörk fyrir þjóð sína. Englendingurinn Hayes virðist kjósa fjölhæfari sóknarmenn en Morgan er klassískur markaskorari sem spilar fyrir miðju og heldur sig í námunda við vítateig andstæðingana.
Sophia Smith, Trinity Rodman og Mallory Swanson eru líklegastar til að skipa þrjár fremstu stöðurnar fyrir Bandaríkin í sumar en þær eru gríðarlega fljótar og fjölhæfar og ná vel saman í kerfi Hayes.
„Að búa yfir hóp með aðlögunarhæfni er mikilvægt í móti þar sem stutt er á milli leikja er mikilvægt, leikmenn sem geta spilað fleiri en eina stöðu skiptir miklu máli upp á breidd hópsins“, sagði Hayes en einungis má velja átján útileikmenn í hópinn.