Andrea Kolbeinsdóttir kom fyrst í mark í kvennaflokki Laugavegshlaupsins sem fram fór í 28. sinn í dag. Andrea hefur nú unnið hlaupið fjögur ár í röð. Þorsteinn Roy Jóhansson var fyrstur í mark í karlaflokki.
Andrea, sem er margfaldur Íslandsmeistari í langlaupum og skíðagöngu kom í mark á 4:33:20 klukkutímum, rúmum 20 mínútum á undan Halldóru Huld Ingvarsdóttur.
Íris Anna Skúladóttir varð þriðja á 5:05:55 klukkutímum.
Þorsteinn Roy kom í mark á 04:13:08 klukkutímum. Sigurjón Ernir Sturluson varð annar á 4:20:32 klukkutímum og Grétar Örn Guðmundsson á 4:31:25.