Íslenska lyftingakonan Eygló Fanndal Sturludóttir mun keppa í þýsku deildinni í ólympískum lyftingum.
Eygló er 12. besta lyftingakona í heimi í sínum flokki í ólympískum lyftingum, -71kg, og rétt missti af sæti á Ólympíuleikunum en 10 bestu komast inn.
Tilkynnt var á dögunum að hún væri að fara í þýsku úrvalsdeildina í lyftingum og keppir með liðinu Obrigheimer Gewichtheber. Hún er þó ekki að flytja til Þýskalands.
Eygló er 22 ára nemi í læknisfræði og æfði lengi fimleika með Gerplu áður en hún skipti yfir í lyftingar þar sem hún hefur skarað fram úr.