Íþróttir | Íslenski fótboltinn | mbl | 20.7.2024 | 16:03 | Uppfært 18:18

Blikar héldu út gegn Stjörnunni

Stjarnan og Breiðablik eigast við. mbl.is/Eggert Jóhannesson

Breiðablik vann Stjörnuna 1:0 eftir hörku leik í Bestu deild kvenna í fótbolta í Garðabæ í dag.

Breiðablik er á toppi deildarinnar með 36 stig og Stjarnan með 13 í 7. sæti.

Breiðablik var með yfirhöndina í fyrri hálfleik og fékk fjölmörg færi en náðu ekki að koma boltanum í netið.

Katrín Ásbjörnsdóttir átti flott skot á 18. mínútu eftir klúður í vörn Stjörnunnar, Blikar unnu boltann í kringum vítateig Stjörnunnar, Katrín fékk boltann úti og fór í skot en það fór rétt yfir.

Á 27. mínútu átti Barbára Sól Gísladóttir svo ágætis skot þegar hún fékk boltann og var með pláss hægra megin í teignum eftir flott spil hjá Breiðablik en skotið endaði í þverslánni.

Blikar voru að skapa mikla hættur og voru að leika sér með boltann rétt fyrir utan vítateig Stjörnunnar en það gekk illa að hitta á markið.

Andrea Mist Pálsdóttir fékk líklegast hættulegasta færi Stjörnunnar í fyrri hálfleik þegar hún tók fast skot nokkrum metrum fyrir utan vítateig en það fór yfir.

Stjarnan kom mjög vel inn í seinni hálfleik mjög vel og fengu nokkur góð færi strax í byrjun og fengu hættulegt færi eftir tíu mínútur þegar Telma Ívarsdóttir varði vel skot frá Esther Rós Arnarsdóttir.

Úlfa Dís Kreye Úlfarsdóttir átti svo skot í stöngina á 61. mínútu þegar hún lék á varnarmann og tók fast skot niðri í nærhornið.

Hulda Hrund Arnarsdóttir bjargaði á línu þegar Andrea Rut Bjarnadóttir komst í hættulegt færi, gegn gangi leiksins, á 67. Mínútu, Andrea skaut framhjá Erin en Hulda var mætt á línuna og kom boltanum í burtu.

Á 79. mínútu kom Hrafnhildur Ása Halldórsdóttir Breiðablik, 1:0, yfir eftir frábæra sendingu frá Írenu Héðinsdóttur Gonzalez, Hrafnhildur komst ein á móti Erin og setti boltann í netið.

Stjarnan var nálægt því að jafna strax en tveir leikmenn misstu af frábærri fyrirgjöf.

Á 84. mínútu setti Hrefna Jónsdóttir boltann í netið en það var dæmt brot, það var erfitt að sjá á hvað dómarinn var að dæma og leikmenn Stjörnunnar voru mjög ósáttir.

Stjarnan vildi svo fá víti stuttu síðar þegar Hrefna og Elín Helena lenti í samstuði en fengu það ekki og Blikar héldu út.

Lýsing uppfærist sjálfkrafa

Allar lýsingar í beinni

Aðrir virkir leikir

HK	1:1	Vestri	Skoða leik
90. mín. Elvar Baldvinsson (Vestri) fær gult spjald +3.
Augnablik — sæki gögn...

Þróttur R.	2:1	FH	Skoða leik
90. mín. Leik lokið Risastór þrjú stig fyrir Þrótt í fallbaráttunni.
Augnablik — sæki gögn...

KA	1:0	Víkingur R.	Skoða leik
90. mín. Leik lokið Öflugur sigur hjá KA og liðið fer upp um eitt sæti. Liðið er nú stigi frá Fram, sem er í sjötta sætinu.
Augnablik — sæki gögn...