RayGun: Hættið að áreita fjölskyldu mína

Ástralski breikdansarinn Rachel Gunn, eða RayGun, biðlar til fjölmiðla að láta sig og sína í friði. 

RayGun fékk mikla athygli fyrir uppátæki hennar á Ólympíuleikunum þegar að keppt var í breikdansi. 

Hún náði engum árangri á leikunum en óvenjulegur dans hennar sló í gegn. 

Athyglin sem RayGun hefur fengið hefur ekki öll verið jákvæð en margir eru mjög ósáttir við hana og vilja meina að hún hafi gert grín að breikdansi. 

Frétt af mbl.is

Ástralski breikdansarinn skaðar menninguna

Látið fólkið mitt í friði

RayGun gaf frá sér myndskeið þar sem hún biðlaði meðal annars til fjölmiðla að hætta að áreita fólkið sitt. 

„Hættið að áreita fólkið mitt, ástralska breiksambandið og allt götudanssamfélagið í heild sinni. 

Ég bið um að þið látið þau í friði og virðið einkalíf þeirra.“

• Blogga um frétt