Það varð uppi fótur og fit þegar HK og KR áttu að mætast í 17. umferð Bestu deildar karla í knattspyrnu, fimmtudaginn 8. ágúst í Kórnum í Kópavogi.
Fresta þurfti leiknum vegna brotins marks í Kórnum og tókst ekki að útvega annað mark sem stæðist þær kröfur sem gerðar eru til marka í efstu deild.
KR-ingar fóru fram á að félaginu yrði dæmdur sigur í leiknum, 3:0, vegna ófullnægjandi vallaraðstæðna en upphaflega var kærunni vísað frá af aga- og úrskurðarnefnd KSÍ. Vesturbæingar áfrýjuðu þeim úrskurði og fóru fram á að málið fengi efnislega umfjöllun.
Mikið grín var gert að KR-ingum fyrir að fara með málið alla leið, en af hverju samt? Að mínu mati átti kærugleði Vesturbæinga fullan rétt á sér.
Sagan úr Vesturbænum er sú að HK-ingar hafi vitað af því frá því í hádeginu á fimmtudeginum að markið væri brotið. Hvort það sé allt saman satt og rétt getum við látið liggja á milli hluta en félagið var ekki að undirbúa Old Boys-mót í Kórnum heldur leik í efstu deild.
Bakvörðinn má sjá í heild sinni á íþróttasíðum Morgunblaðsins í dag.