Tók 90 mínútur að finna hjólreiðakonuna sem lést
Setja bókamerki
Muriel Furrer, svissneska hjólreiðakonan sem lést eftir að hafa slasast alvarlega á heimsmeistaramótinu í Zürich í Sviss, fannst ekki fyrr en einum og hálfum klukkutíma eftir að hún slasaðist.
Furrer var aðeins 18 ára gömul þegar hún lést af sárum sínum í síðustu viku. Furrer féll af hjóli sínu við að taka krappa beygju á sleipum vegi eftir mikla rigningu í Zürich og slasaðist alvarlega á heila með þeim afleiðingum að hún lést nokkrum klukkustundum síðar.
Svissneski miðillinn Blick greinir frá því að það hafi tekið skipuleggjendur heimsmeistaramótsins 90 mínútur að finna Furrer.
Canadian Cycling-tímaritið fullyrðir þá að starfsmaður mótsins hafi fyrstur komið auga á hana þar sem Furrer lá slösuð innan skógi vaxins svæðis eftir að keppni hafði lokið.
Klukkutími til viðbótar hafi svo liðið áður en sjúkraþyrla hafi komið á vettvang og flutt Furrer á sjúkrahús, sem tók aðeins þrjár mínútur.
Spretthópur fjallar um gufubaðsreglur
Stóðu skógarþjófa að verki
„Tímabil aukinnar eldvirkni“
Lát hjóna í Neskaupstað: Ákæra gefin út
Helgi Magnús mætir til starfa í dag
Ók á hóp fólks á jólamarkaði: Einn látinn
Samfylking og Viðreisn gáfu loforð