Tileinkaði heimsmetið látnum landa sínum

Keníski langhlauparinn Ruth Chepngetich sló heimsmet kvenna í maraþonhlaupi um rúmar tvær mínútur í Chicago maraþoninu í dag.  

Chepngetich kom í mark á tímanum 2:09:56 og sló þar með heimsmet hinnar eþíópísku Tigist Assefa frá Berlínar maraþoninu árið 2023 en metið var 2:11:53.  

Þetta er ekki í fyrsta skiptið sem Chepngetich vinnur Chicago maraþonið en hún kom einnig fyrst í mark árið 2021 og 2022.  

Chepngetich tileinkaði heimsmetinu Kelvin Kiptum, heimsmethafanum í maraþoni karla, en hann lést sorglega í bílslysi í febrúar á þessuári, aðeins 24 áragamall.  

„Ég tileinka heimsmetið Kelvin Kiptum,“ sagði Chepngetich.  

Kelvin Kiptum sló heimsmetið í maraþonhlaupi karla á síðasta ári í Chicago maraþoninu.  

• Blogga um frétt