Íslenska ungmennalið kvenna hafnaði í þriðja sæti á Evrópumótinu í hópfimleikum í Bakú í dag.
Ísland fékk alls 48.950 stig, 1.300 stigum minna en sigurlið Danmerkur. Svíþjóð endaði síðan í öðru sæti með 49.750 stig.
Íslenska liðið fékk 17.150 stig fyrir gólfæfingar, 16.100 stig fyrir stökk og 15.700 stig fyrir trampólín.
Finnland hafnaði í fjórða sæti, Ítalía í fimmta, Bretland í sjötta, Noregur í sjöunda, Tékkland í áttunda, Lúxemborg í níunda og Portúgal í tíunda.