Blandaða lið Íslands hafnaði í fimmta sæti á Evrópumótinu í hópfimleikum í Bakú í dag.
Íslenska liðið fékk alls 49.850 stig en Danmörk varð Evrópumeistari með 55.700 stig.
Bretland endaði síðan í öðru sæti með 55.100 stig, Svíþjóð í þriðja með 54.400 stig, Noregur í fjórða með 52.100 stig og Ítalía í sjötta með 48.800 stig.
Íslenska liðið hlaut 16.300 stig fyrir gólfæfingar, 17.300 stig fyrir stökk og 16.250 stig fyrir trampólín.
Íslenska kvennalandsliðið varð Evrópumeistari fyrr í dag.