Real Madríd gefur 150 milljónir

Spænska íþróttafélagið Real Madríd hefur ákveðið að ánafna einni milljón evra, jafnvirði 150 milljóna íslenskra króna, til hjálpar fórnarlömbum stórflóða í Valencia-héraði á Spáni.

Spænska félagið hefur komið á fót peningasöfnun í samstarfi við Rauða krossinn á Spáni fyrir þá sem eiga um sárt að binda vegna flóðanna. Peningagjöf Real Madríd er ætluð til þess að koma söfnuninni almennilega af stað.

Frétt af mbl.is

„Algjört hörmungarástand“

Alls hafa 158 látist í flóðunum sem riðu yfir á þriðjudag og enn er fjölda fólks saknað. Tjón er gífurlegt á svæðinu þar sem fjöldi heimila eru ónýt.

• Blogga um frétt