Orven vann fyrsta stigamót ársins

Orven Christian Destacamento bar sigur úr býtum í fyrsta móti ársins og því sjötta í vetur, í mótaröðinni í pool sem fram fór á Snóker og Pool um helgina. 

Í úrslitaleik lagði hann Daða Má Guðmundsson að velli með nokkuð sannfærandi hætti, 7:2.  Þetta er annað stigamótið sem Orven Christan vinnur í vetur.

Þetta var sjötta stigamót vetrarins í pool og að þessu sinni var keppt í 10-ball. Fjórtán leikmenn mættu til leiks og var fyrirkomulagið þannig að leikmenn féllu úr leik eftir tvo tapleiki.

Undanúrslitaleikirnir voru æsispennandi en Orven Christian lagði Guðbjart Ísak Ásgeirsson að velli 7:6 á meðan Daði Már lagði Guðmund Birgisson 7:5.

• Blogga um frétt