Baldvin sló Íslandsmetið rækilega - Norðurlandameistari
Setja bókamerki
Baldvin Þór Magnússon úr UFA varð í dag Norðurlandameistari í 3.000 metra hlaupi innanhúss og sló í leiðinni Íslandsmet sitt rækilega.
Baldvin hafði betur gegn Filip Ingebrigtsen frá Noregi, fyrrverandi Evrópumeistara í 1.500 metra hlaupi, og þeir háðu gríðarlegt einvígi um Norðurlandameistaratitilinn en Norðurlandamótið í frjálsíþróttum innanhúss fer fram í Espoo í Finnlandi í dag.
Baldvin kom í mark á 7:39,94 sekúndum og bætti Íslandsmetið sitt um hátt í sex sekúndur. Ingebrigtsen var aðeins 3/100 úr sekúndu á eftir honum á 7:39,97 mínútum.
Metið sem Baldvin setti í Sheffield í síðasta mánuði var 7:45,13 mínútur.
Um leið náði Baldvin lágmarkinu fyrir Evrópumeistaramótið sem fer fram í næsta mánuði.
Hann setti jafnframt Íslandsmet í 1.500 metra hlaupi innanhúss á Reykjavíkurleikunum 27. janúar.
Aníta fékk bronsið
Aníta Hinriksdóttir fékk bronsverðlaun í 800 metra hlaupi kvenna en hún hljóp á 2:03,71 mínútum. Malin Nyfors frá Noregi varð Norðurlandameistari á 2:01,97 mínútum. Íslandsmet Anítu frá árinu 2017 er 2:01,18 mínútur.
Styrkjamálið á borð þingnefndar
Talaði um Guð, djöfulinn og Jesú við handtöku
Alfreð Erling tjáir sig ekki frekar í morðmáli
„Ég hef ekkert á móti Sjálfstæðisflokknum“
Tugmilljóna tjón eftir ofsaveðrið
„Núna byrja svona alvöru þreifingar“
Telur dóminn ekki hafa áhrif á viðræður
Ekki sérstaklega bjartsýn fyrir fund dagsins