Gunnar tapaði með minnsta mun

Gunn­ar Nel­son mátti þola tap gegn Kevin Hol­land, 29:28, eft­ir dóm­ara­úrsk­urð á UFC-kvöldi í London í kvöld.

Hol­land vann tvær fyrstu lot­urn­ar og dugði sig­ur í þriðju lot­unni því Gunn­ari ekki en hann var ná­lægt því að hengja Hol­land í lot­unni en sá banda­ríski slapp.

Gunn­ar hef­ur nú unnið 19 bar­daga, tapað sex og gert eitt jafn­tefli en bar­dag­ur­inn í kvöld var sá fyrsti hjá Gunn­ari í tvö ár og fyrsta tapið hans frá ár­inu 2019.

Lýs­ing upp­fær­ist sjálf­krafa

All­ar lýs­ing­ar í beinni

	Gunn­ar Nel­son í beinni	Opna lýs­ingu Loka
kl. 22:10 Leik lokið Dóm­ar­arn­ir dæma eins og ég hélt, 29:28, fyr­ir Hol­land og Gunn­ar þarf að játa sig sigraðan. Hetju­leg bar­átta dug­ar ekki til.
kl. 22:10 Leik lokið Dómararnir dæma eins og ég hélt, 29:28, fyrir Holland og Gunnar þarf að játa sig sigraðan. Hetjuleg barátta dugar ekki til. 22:07 Þá er bardaginn búinn og við bíðum eftir dómurunum. Ég held að Holland sé að vinna þetta. Gunni er gjörsamlega búinn á því. Holland vann væntanlega fyrstu tvær loturnar og því dugar ekki fyrir Gunnar að vinna þriðju lotuna. 22:06 Gunnar er hársbreidd frá því að hengja Holland en sá bandaríski nær einhvern veginn að standa upp. Rúm mínúta eftir. Báðir þreyttir. 22:06 Gunnar nær Holland aftur niður og er í góðri stöðu. Tvær mínútur eftir og Gunni verður að klára þetta sem fyrst. 22:05 Holland nær einhvern veginn að sprikla úr þessari stöðu og Gunnar missir af tækifæri til að klára hann. Þrjár mínútur eftir og Gunni er að reyna að komast ofan á Holland aftur en gengur illa. 22:04 Gunnar nær Holland niður! 3:40 eftir af þriðju lotu. Besta staðan sem Gunnar hefur náð í þessum bardaga til þessa. 22:03 Þriðja lotan er komin af stað. Koma svo Gunni! 22:02 Gunnar hélt Holland niður síðustu tvær mínúturnar í annarri lotu en er undir á stigum. Gunni verður að rota eða hengja Holland í þriðju lotunni til að vinna. 22:01 Gunnari gengur illa að koma höggi á Holland, þrátt fyrir að halda honum niðri. Mínúta eftir af annarri lotu. 22:00 Gunni nær honum loksins niður! Tvær mínútur eftir af annarri lotu og Gunnar í stöðu til að klára þetta. 21:58 90 sekúndur búnar af annarri lotu og Gunnar virðist hafa jafnað sig ágætlega. Gunni reynir hvað hann getur til að ná Holland niður en það er að reynast erfitt. 21:57 Nú reynir á Gunnar eftir þennan lokakafla í fyrstu lotu. Holland vann lotuna og Gunnar var vankaður. Vonandi nær Gunni að jafna sig nógu vel í þessa mínútu sem er á milli lota. 21:56 Úfff. Gunnar fær nokkur rosalega þung högg á sig undir lok lotunnar og er vankaður. Hann ratar varla í hornið sitt. Þetta er basl allt í einu, eftir að Gunnar kom sér í góða stöðu. 21:53 Gunnar er enn með Holland niðri og er að ná þungum höggum. Holland er einnig að ná inn sínum höggum. Mjög spennandi og góður bardagi og Gunnar í fínni stöðu. 21:52 Gunnar nær Holland niður! Þar er okkar maður á heimavelli. Þrjár mínútur eftir af lotunni. 21:52 Róleg fyrsta mínúta en Holland er að ná að sparka svolítið í lappirnar á Gunnari. Okkar maður ekki náð inn höggi enn þá. 21:50 Leikur hafinn Þetta er komið af stað. Koma svo Gunnar Nelson! 21:49 Bruce Buffer kynnir þá nú til leiks. Gæsahúð þegar hann öskrar nafn Gunnars. 21:47 Gunnar labbar nú inn í búrið. Sallarólegur að vanda á meðan hann hlustar á fagra tóna Hjálma. Koma svo! 21:46 Þetta er að bresta á! Kevin Holland fer fyrst inn í búrið. Það er góður bardagamaður og Gunnar þarf að sýna allar sínar bestu hliðar. 21:40 Styttist heldur betur í okkar mann. Hann er í mynd núna að hita upp. Ótrúleg spenna sem byggist upp þegar Gunni er að berjast. 21:33 Istella Nunes hengir Molly McCann í fyrstu lotu! Okkar maður er næstur. Þvílík spenna. 21:28 Þá er þessi síðasti bardagi fyrir Gunnar kominn af stað. Vonandi verður hann stuttur og okkar maður byrjar sem fyrst. 21:25 Molly McCann og Istella Nunes eru komnar inn í búrið. Þær berjast að mesta lagi í þrjár lotur og eftir það er það okkar maður. Það er styttist heldur betur í þetta. 21:15 Næsti bardagi er á milli Molly McCann og Istella Nunes. McCann er ansi vinsæl hér á Englandi. Hún er frá Liverpool og er skrautleg. Eftir þann bardaga er það okkar maður. 21:10 Brady hengir Vucenic með glæsibrag í annarri lotu með því sem kallast á ensku guillotine choke. Þá er bara einn bardagi og svo Gunnar. 21:05 Fyrsta lotan búin hjá Vucenic og Duncan. Duncan var með mikla yfirburði en náði ekki að rota eða hengja Englendinginn og því fáum við aðra lotu. 21:00 Þá er þessi bardagi kominn af stað. Vonandi verður hann snöggur og það styttist enn meira í bardaga Gunnars. 20:54 Þeir Duncan og Vucenic eru komnir inn í búrið. Þegar þessi bardagi er búinn er aðeins einn bardagi á undan Gunnari. Styttist heldur betur í okkar mann. 20:48 Næsti bardagi er á milli Englendingsins Jordan Vucenic og Chris Duncan frá Skotlandi í léttvigt. 20:47 Wood vinnur fyrsta bardagann. Allir dómararnir skoruðu 30:27. 20:45 Þá er þessi fyrsti bardagi aðalhlutans búinn, eftir þrjár lotur. Wood er væntanlega að vinna þetta. Það kemur í ljós eftir augnablik. 20:43 Það eru þrjár lotur flestum UFC-bardögum. Í titilbardögum og aðalbardögum hvers kvölds eru loturnar fimm. Gunnar berst þrjár lotur og þessi bardagi á milli Wood og Charriere eru þrjár lotur. 20:39 Önnur lotan búin hjá Wood og Charriere. Frekar jöfn lota. Við erum að bíða eftir Gunnari. Það er þessi bardagi, tveir aðrir og svo okkar maður. 20:33 Wood og Charriere eru búnir með fyrstu lotuna sína og Wood lítur vel út. Eftir þennan bardaga eru tveir bardagar og svo Gunnar. 20:30 Þá er aðalpartur kvöldsins byrjaður. Nathaniel Wood frá Englandi og Morgan Charriere frá Frakklandi eigast við í fjaðurvigt. 20:30 Þrátt fyrir erfiða tíma síðustu mánuði hjá Holland hefur hann unnið virkilega sterka andstæðinga á borð við Michał Oleksiejczuk, Michael Chiesa, Santiago Ponzinibbio (sem Gunnar tapaði fyrir, Alex Oliveira, Tim Means og Joaquin Buckley. 20:30 Gunnar hefur alls keppt 25 atvinnumannabardaga, unnið 19, tapað fimm og gert eitt jafntefli. Holland er með 40 bardaga, 26 sigra, 13 töp og einn ógildan bardaga. 20:30 Kevin Holland, andstæðingur Gunnars í kvöld, hefur verið í basli og aðeins unnið einn af síðustu fimm og tapað fjórum af þeim. 20:30 Þar á undan vann hann Takashi Sato en tapaði tveimur bardögum í röð fyrir það. 20:30 Gunnar hefur fimmtán sinnum barist í UFC, unnið tíu bardaga og tapað fimm. Hann barðist síðast við Bryan Barberena í mars á síðasta ári og vann með hengingu í 1. lotu. 20:30 Aðalbardagar kvöldsins fara af stað klukkan 20 og er bardagi Gunnars sá fjórði í röðinni og sá þriðji síðasti. 20:30 Gott kvöld og verið velkomin með mbl.is í beina textalýsingu frá bardaga Gunnars Nelson og Kevin Holland á UFC-bardagakvöldi í London. Sjá meira Sjá allt

• Blogga um frétt