Gerpla tvöfaldur meistari

Gerpla er bikar­meist­ari í áhaldafim­leik­um í bæði karla- og kvenna­flokki en mótið fór fram í Eg­ils­höll í dag.

 Gerplu­kon­ur fengu 144,4 í ein­kunn sam­an­lagt en Thelma Aðal­steins­dótt­ir var með hæstu sam­an­lögðu ein­kunn í liðinu með 49,9.

Ásamt henni í Gerplu 1 kepptu þær Rakel Sara Pét­urs­dótt­ir, Lilja Katrín Gunn­ars­dótt­ir, Kristjana Ósk Ólafs­dótt­ir og Hild­ur Maja Guðmunds­dótt­ir.

Stjarn­an 1 lenti í öðru sæti með 134,750 sam­an­lagt. Í liðinu voru Kol­brún Eva Hólm­ars­dótt­ir, Mar­grét Lea Krist­ins­dótt­ir, Nanna Guðmunds­dótt­ir, Sig­ur­rós Ásta Þóris­dótt­ir og Þór­anna Sveins­dótt­ir.

Ragn­hild­ur Em­il­ía Gott­skálks­dótt­ir, Magda­lena Andra­dótt­ir, Iðunn Embla Njáls­dótt­ir, Sól­ey Guðmunds­dótt­ir og Stein­unn Ásta Davíðsdótt­ir lentu í þriðja sæti en þær keppa fyr­ir Ármann. Þær enduðu með 129,999 í ein­kunn. 

Fimm ein­stak­ling­ar eru í liði á bikar­móti en aðeins þrjár hæstu ein­kunn­irn­ar á hverju áhaldi gilda.

Þetta er ní­unda árið í röð sem karlalið Gerplu verður bikar­meist­ari en liðið skipuðu þeir Dag­ur Kári Ólafs­son, Val­g­arð Rein­h­ards­son, Sig­urður Ari Stef­áns­son, Atli Snær Val­geirs­son og Jón­as Ingi Þóris­son. Þeir fengu 209,929 sam­an­lagt.

Björk úr Hafnar­f­irði lenti í öðru sæti en liðið fékk 199,263 í ein­kunn. Þeir Lúkas Ari Ragn­ars­son, Ari Freyr Krist­ins­son, Stefán Máni Kára­son, Aron Freyr Davíðsson og Ant­on Þór Ragn­ars­son.

Í þriðja sæti var Gerpla 2 en í liðinu voru þeir þeir Ey­steinn Daði Hjalta­son, Kári Pálma­son, Bot­ond Ferenc Kováts, Ragn­ar Örn Ingimars­son og Arnþór Daði Jónas­son.

• Blogga um frétt