Ætlar að læra þjóðsönginn fyrir stóru stundina

Lucie, sem verður þrítug á ár­inu, keppti í -76 kg flokki og fékk gull­verðlaun í hné­beygju þegar hún lyfti 211 kg sem er jafn­framt Evr­ópu­met. Í bekkpress­unni lyfti hún 120 kg sem er henn­ar besti ár­ang­ur í grein­inni. Í rétt­stöðulyft­unni lyfti hún svo 232,5 kg og hafnaði að end­ingu í þriðja sæti í sam­an­lögðum ár­angri.

Frétt af mbl.is

Vann brons og setti nýtt Evr­ópu­met

„Ég er mjög ánægð, og líka þreytt, enda ný­kom­in heim til Íslands eft­ir langt ferðalag sem tók meira og minna alla nótt­ina,“ sagði Lucie í sam­tali við Morg­un­blaðið.

„Mark­miðið fyr­ir Evr­ópu­mótið var að enda á verðlaunap­alli og það gekk. Ég var að von­ast eft­ir aðeins betri töl­um í hné­beygj­unni, sem er mín sterk­asta grein, en ég ætlaði mér að setja nýtt Evr­ópu­met sem tókst loks­ins eft­ir langa bið. Upp­haf­lega ætlaði ég mér að slá Evr­ópu­mótið á EM árið 2022 en ég varð ólétt á þeim tíma og þetta hef­ur því verið mark­mið hjá mér lengi,“ sagði Lucie.

Lyft­ing­arn­ar í sjö­unda sæti

Lucie kom til Íslands sem au pair fyr­ir tíu árum þegar hún var 19 ára göm­ul en henni hef­ur gengið vel að aðlag­ast ís­lensku sam­fé­lagi og líður mjög vel á Íslandi.

„Ég kynnt­ist mann­in­um mín­um fljó­lega eft­ir kom­una til Íslands en í fyrstu tók þetta á. Menn­ing­in hér er öðru­vísi en í Tékklandi og tungu­málið allt annað. Það tók mig líka smá­tíma að venj­ast veðrinu en það er allt að koma og í dag líður okk­ur mjög vel. Það er gott að ala börn­in sín upp á Íslandi og við sjá­um ekk­ert annað fyr­ir okk­ur en að búa á Íslandi í framtíðinni.

Ég var að taka þetta sam­an um dag­inn og það er óhætt að segja að kraft­lyft­ing­arn­ar hafi verið í sjö­unda sæti hjá mér á síðustu árum. Framtíðarmark­miðið er að vinna til gull­verðlauna á stór­móti í framtíðinni og því ekki seinna vænna að byrja að læra þjóðsöng­inn. Ég er far­in að kunna lagið en ég þarf aðeins að æfa mig í text­an­um því ég ætla mér að syngja með þegar ég vinn til gull­verðlauna.“

Grein­ina má sjá í heild sinni á íþrótt­asíðum Morg­un­blaðsins í dag.