Eygló stigahæst og Ísland vann smáþjóðakeppnina

Íslenska landsliðið kom, sá og sigraði á smáþjóðamót­inu í ólymp­ísk­um lyft­ing­um sem fram fór á Möltu um síðustu helgi.

Ísland vann liðakeppni seni­or, liðakeppni kvenna og var í öðru sæti í liðakeppni karla. Þá var Eygló Fann­dal Sturlu­dótt­ir stiga­hæst allra kvenna og Guðný Björk Stef­áns­dótt­ir önn­ur í stiga­keppni kvenna auk þess sem Berg­ur Sverris­son hafnaði í öðru sæti í stiga­keppni karla.

Ísland endaði með 1244.02 stig, Malta með 1195.80 stig, Kýp­ur 1158.09 stig, Fær­eyj­ar 1047.8 stig, Lúx­em­borg 958.74 stig, Mónakó 766.53 stig og San Marínó 752.20 stig.

Þetta er þriðja smáþjóðamótið í röð þar sem Ísland vinn­ur stiga­keppn­ina. Smáþjóðamótið í ólymp­ísk­um lyft­ing­um er haldið ár­lega og var þetta 46. árið í röð sem mótið er haldið sem þýðir að það er í raun eldra en hinir eig­in­legu Smáþjóðal­eik­ar.

Íslenski hóp­ur­inn. Ljós­mynd/​LSÍ

Setti þrjú Íslands­met í flokkn­um fyr­ir ofan

Eygló, sem er í miðjum und­ir­bún­ingi fyr­ir Evr­ópu­meist­ara­mótið sem fer fram í Moldóvu í næsta mánuði, létti sig ekki fyr­ir mótið og lyfti því í -76 kg flokki, en yf­ir­leitt kepp­ir hún í -71 kg flokki.

Hún tók serí­una 100-103-106 kg í snör­un er Eygló opnaði með 125 kg í jafn­hend­ingu, tók svo 130 kg í ann­arri lyftu og rétt missti svo jerkið í 134 kg loka­lyftu sinni en það hefði gefið Eygló 240 kg í sam­an­lögðum ár­angri.

Allt voru þetta ný Íslands­met í -76 kg flokki en Guðný átti met­in 97+121 = 218 kg. Ef Eygló hefði lyft 134 kg í -71 kg flokki þá hefði hún náð 1 kg bæt­ingu á Norður­landa­meti sínu í sam­an­lögðu. Einnig hefði 134 kg verið bæt­ing á Norður­landa­meti Pat­riciu Strenius í jafn­hend­ingu, sem er 133 kg.

• Blogga um frétt