Það fór allt inn

Hall­grím­ur Jónas­son, þjálf­ari KA, var eðli­lega svekkt­ur eft­ir stórt tap gegn Vík­ingi, 4:0, í ann­arri um­ferð Bestu deild­ar karla í knatt­spyrnu í Vík­inni í kvöld.

Frétt af mbl.is

Sann­fær­andi Vík­ing­ar ekki í vand­ræðum gegn KA

„Sann­gjarn sig­ur. Ég er svekkt­ur að við náum ekki að gera leik úr þessu. Þetta var furðuleg til­finn­ing eft­ir 20 mín­út­ur því mér fannst við vera flott­ir á bolt­ann, spila á milli lína og sköp­um eitt gott færi en eft­ir fjög­ur skot hjá Vík­ingi var staðan 3:0 og hefði hæg­lega getað verið 4:0. Það fór allt inn. Menn voru auðvitað slegn­ir og við vor­um hérna mjög svekkt­ir í hálfleik.

Fyrsta markið fer af varn­ar­manni, breyt­ir um stefnu og Stubb­ur úr jafn­vægi. Þriðja markið er skot beint á markið fyr­ir utan teig sem Stubb­ur sér seint, þannig það fór allt inn. Við töluðum um það í hálfleik að við þyrft­um að fara út í seinni hálfleik­inn sam­an, það þýddi ekk­ert að fara að hlaupa bara út um allt og ætla að bjarga heim­in­um eða vera fúl­ir og hætta að hlaupa.

Við viss­um að ef við mynd­um ná inn marki snemma gæti þetta orðið þetta leik­ur aft­ur því við vor­um með vind­inn í bakið en við náðum því ekki. Ég er samt ánægður með strák­ana í seinni hálfleik og það er já­kvætt að það fengu marg­ir að spila. Það komu tveir ung­ir inná sem fengu dýr­mæta reynslu.“

Viðar Örn Kjart­ans­son meidd­ist aft­an í læri og varð að fara af velli í fyrri hálfleik.

„Ég held að þetta sé bara lít­il togn­un aft­an í læri.“

KA er með eitt stig að lokn­um tveim­ur leikj­um og er sem stend­ur í 11. sæti, þrátt fyr­ir að auðvitað sé lítið að marka töfl­una svo snemma móts.

„Við erum bara ánægðir með að vera komn­ir með hóp­inn okk­ar. Við fór­um í gegn­um all­an vet­ur­inn með 9-11 manns meidda en erum bún­ir að ná góðum æf­inga­vik­um und­an­farið og sýnd­um flotta frammistöðu á móti KR. Það fór ekki vel í dag en við erum ekk­ert að fara að leggj­ast í þung­lyndi yfir því að hafa tapað á móti Vík­ingi á úti­velli. Það er kannski meira hvernig við náðum ekki að gefa okk­ur mögu­leik­ann á því að gera leik úr þessu, það var svekkj­andi. Ekk­ert svart­nætti, bara áfram gakk. Það er skemmti­leg vika framund­an.“

Sam­kvæmt fot­bolti.net er KA í viðræðum við danska leik­mann­inn Marcel Rö­mer er sem fyr­irliði Lyng­by. Þá var einnig talað um að fé­lagið hafi verið í viðræðum við Asier Illara­m­endi, fyrr­ver­andi leik­mann Real Madrid.

„Við ætl­um að styrkja okk­ur um alla­vega einn leik­mann. Ég get al­veg staðfest að við erum í viðræðum við Marcel Rö­mer en það er ekk­ert orðið klárt.

Ég veit ekki hvort Asier Illara­m­endi hafi verið á leiðinni í KA en já það voru viðræður í gangi. Ég vil svosem ekk­ert fara of djúpt í það, ég veit eitt­hvað um það en það var meira stjórn­in að tala við hann en ekki ég. Það fór svo bara þannig að hann er ekki að koma í KA.“

Hall­grím­ur Jónas­son, þjálf­ari KA. mbl.is/Ó​laf­ur Árdal

• Blogga um frétt