Brittany Linicome frá Bandaríkjunum sigraði á Ginn meistaramótinu á LPGA-mótaröðinni í gær en fyrir síðasta keppnisdaginn leit allt út fyrir að Lorena Ochoa frá Mexíkó og Laura Davies frá Englandi myndu berjast um sigurinn. Davies var með eitt högg í forskot þegar tvær holur voru eftir en hún fékk skramba (+2) á 17. brautina og á 18. brautinni gekk enn verr hjá Davies sem lék lokaholuna á þremur höggum yfir pari vallar.

Lincicome var fjórum höggum á eftir efstu kylfingum mótsins fyrir lokadaginn en hún lék á pari vallar, 72 höggum, þrátt fyrir erfiðar aðstæður en mikill vindur var á keppnisvellinum.

Lincicome er 21 árs gömul en hún endaði á 10 höggum undir pari og fékk hún um 25,5 millj. kr. í sinn hlut. Ochoa varð önnur á 9 höggum undir pari samtals en hún lék lokaholuna á skramba (+2) og lokahringinn á 77 höggum. Davies var á 79 höggum á lokadeginum en hún hefur ekki sigrað á LPGA-móti í sex ár.

Tengdar fréttir

Golf: LPGA-mótaröðin

Creamer fékk sjö fugla í röð

• Vandræðin hlaðast upp hjá Michelle Wie
• Pettersen hafði betur gegn Ochoa
• Bandaríkin með yfirhöndina í Solheim-bikarnum
• Solheim keppnin byrjuð í Halmstad

» Fleiri tengdar fréttir

• Blogga um frétt