Golf­klúbb­ur Reykja­vík­ur (GR) og Golf­klúbbur­inn Leyn­ir (GL) hafa gert með sér sam­starfs­samn­ing um að Golf­klúbb­ur Reykja­vík­ur taki að sér rekst­ur Garðavall­ar frá og með 1. janú­ar 2008. Frá þessu er greint í frétta­til­kynn­ingu frá GR og GL.

Samn­ing­ur­inn er til fimm ára en á samn­ings­tím­an­um ann­ast GR rekst­ur Garðavall­ar, mann­virkja og tækja sem hon­um tengj­ast. Í þessu felst m.a. að GR ann­ast hirðingu vall­ar­ins, eðli­legt viðhald tækja, al­menna af­greiðslu, opin mót, veit­inga­sölu og aðra þjón­ustu vegna rekst­urs vall­ar­ins.

Rekstr­ar­form GL verður eft­ir sem áður að halda úti fé­lags­starfi klúbbs­ins í þágu sinna fé­lags­manna s.s. inn­an­fé­lags­mót­um, barna- og ung­linga­starfi og af­reks­starfi.

Fé­lags­menn GL og GR munu á hafa sama aðgangs­rétt til golfleiks á Garðavelli á samn­ings­tím­an­um og er með samn­ing­um tryggt að Garðavöll­ur verður meðal allra bestu golf­valla lands­ins, fé­lags­mönn­um til mik­ils sóma.

Samn­ingsaðilar eru mjög ánægðir með þenn­an samn­ing og telja hér um mikið fram­fara­spor fyr­ir golfíþrótt­ina að ræða. Rekst­ur jaðar­klúbba við Reykja­vík­ur­svæðið hef­ur verið erfiður und­an­far­in ár en með samn­ingi þess­um er sýnt fram á góðan sam­starfs­vilja þess­ara klúbba. GR hef­ur á að skipa þekk­ingu á golf­völl­um og nýt­ur GL góðs af því í þessu sam­starfi.

Garðar Ey­land, fram­kvæmda­stjóri GR og Heim­ir Fann­ar Gunn­laugs­son, formaður GL skrifuðu und­ir samn­ing­inn fyr­ir hönd GR og GL.

Tengd­ar frétt­ir

Golf: Íslenska mótaröðin

„Und­ir­rit­un skjals­ins var breytt“

• Íslands­mótið í högg­leik í Vest­manna­eyj­um
• Ólaf­ur og Heiða slá lengst allra á Íslandi
• Heiðar í 33. sæti eft­ir fyrsta hring­inn í Skand­e­borg
• Sig­urþór á meðal efstu manna - Örn Ævar úr leik

» Fleiri tengd­ar frétt­ir

• Blogga um frétt