Keppnistímabilið á Evrópumótaröðinni í golfi hófst í byrjun nóvember í Kína en á morgun mun Birgir Leifur Hafþórsson keppa á sínu fyrsta móti á tímabilinu en hann er á meðal keppenda á Alfred Dunhill-meistaramótinu í Suður-Afríku. Birgir lék á þessu móti í fyrra en hann komst ekki í gegnum niðurskurðinn þegar keppni var hálfnuð.

Mótið fer fram á Leopard Creek-vellinum sem er við  Mpumalanga en mótið fer fram í miðjum þjóðgarði og er dýralífið því mjög fjölbreytt á þessum slóðum.

Leopard Creek-völlurinn er hannaður af einum þekktasta kylfingi sögunnar, Gary Player frá Suður-Afríku. Mpumalanga er í um fjögurra tíma akstursfjarlægð frá Jóhannesarborg í austurátt, og er völlurinn ekki langt frá landamærum Suður-Afríku, Mósambík og Svasílands.

Birgir verður í ráshóp með Rossouw Loubser frá Suður -Afríku og  Craig Lee  frá Skotlandi fyrstu tvo keppnisdagana. Þeir hefja leik á 1. teig á morgun kl. 11:10 að íslenskum tíma. 

Alvaro Quiros frá Spáni kom verulega á óvart í fyrra þegar hann sigraði á mótinu. Á meðal keppenda eru nokkrir mjög þekktir kylfingar og má þar nefna Ernie Els frá Suður-Afríku og Darren Clarke frá Norður-Írlandi. Els hefur þrívegis sigrað á þessu móti sem var sett á laggirnar árið 1995.

Tengdar fréttir

Golf: Evrópska mótaröðin

Google til rannsóknar í Belgíu

• Franskur nýliði efstur í Kína
• Kaymer með stáltaugar
• Kaymer er efstur á Abu Dhabi meistaramótinu
• Clarke ætlar sér í fremstu röð

» Fleiri tengdar fréttir

• Blogga um frétt