Ég er ekki hræddur við að deyja

John Daly, einn lit­rík­asti at­vinnukylf­ing­ur á seinni árum, upp­lýsti í dag að hann ætti í bar­áttu við krabba­mein og hefði þegar geng­ist und­ir upp­skurð af þeim sök­um.

Daly, sem er 54 ára gam­all Banda­ríkjamaður, skýrði frá því að meinið væri í þvag­blöðrunni og hefði upp­götv­ast þegar hann hefði verið í meðferð vegna nýrna­steina.

„Ég þarf lík­lega að fara í ann­an upp­skurð. Sem bet­ur fer fannst þetta snemma en ég veit ekki nógu mikið um svona krabba­mein. Það virðist hins­veg­ar ekki á för­um, við verðum að sjá til hvað ger­ist. Ég segi alltaf að ég hafi lifað stór­kost­legu lífi. Sama hvað ger­ist, ég er ekki hrædd­ur við að deyja. Ég er enn að störf­um, lifi líf­inu, og get tek­ist á við þessa áskor­un. Ég vil bara að krakk­arn­ir mín­ir og fjöl­skyld­an séu við góða heilsu,“ sagði Daly við Golf Chann­el.

Hann vann banda­ríska PGA-meist­ara­mótið árið 1991 og Opna mótið á St. Andrews árið 1995 en hef­ur fyrst og fremst verið vin­sæll hjá áhuga­mönn­um um golf vegna óhefðbund­inn­ar fram­komu, magnaðra upp­hafs­högga og lit­ríks klæðnaðar. Hann hef­ur ekki keppt á stór­mót­um á þessu ári en var síðast með á PGA-móti á síðasta ári og keppti á minni­hátt­ar móti vest­an­hafs í byrj­un ág­úst.

Frétt af mbl.is

Fagnaði á McDon­alds

• Blogga um frétt