Lenti í vandræðum í Svíþjóð

Guðmundur Ágúst Kristjánsson náði sér ekki á strik á seinni tveimur hringjunum á Dor­my Open-mót­inu í golfi. Mótið er hluti af Áskor­enda­mótaröð Evr­ópu, þeirri næst­sterk­ustu í álf­unni. 

Guðmundur lék vel á fyrstu tveimur hringjunum og komst í gegnum niðurskurðinn á einu höggi undir pari. Hann lék hins vegar tvo síðustu hringina á samtals 12 höggum yfir pari og lauk leik á 11 yfir og í 75. sæti, neðsta sæti þeirra sem fóru í gegnum niðurskurðinn. 

Haraldur Franklín Magnús lék einnig á mótinu en komst ekki í gegnum niðurskurðinn eftir tvo hringi. 

Á Nordic-mótaröðinni hafnaði Andri Björnsson í 45. sæti á TanumStrand Fjällbacka-mótinu. Hann lék þrjá hringi á samtals einu höggi yfir pari. 

• Blogga um frétt