Mickelson tekur þátt á LIV-mótaröðinni umdeildu

Banda­ríski kylf­ing­ur­inn Phil Mickel­son mun snúa aft­ur á golf­völl­inn eft­ir fjög­urra mánaða hlé þegar hann tek­ur þátt í fyrstu mótaröð LIV-mót­araðar­inn­ar, nýrr­ar golf­mót­araðar sem er fjár­mögnuð af sádi-ar­ab­íska rík­inu, í vik­unni.

Frétt af mbl.is

„Ógn­væn­leg­ir and­skot­ar til að vera í slag­togi við“

Mickel­son vakti at­hygli í fe­brú­ar síðastliðnum þegar hann hampaði nýju mótaröðinni þar sem hon­um þætti já­kvætt að fara gegn PGA-mótaröðinni, sem hann vildi losna úr.

Hann lét þó ekki þar við sitja og kvaðst gera sér fulla grein fyr­ir öllu því ósæmi­lega sem sádi-ar­ab­ísk stjórn­völd hafa staðið fyr­ir.

„Þeir eru ógn­væn­leg­ir and­skot­ar til þess að vera í slag­togi við. Við vit­um að þeir myrtu [sádi-ar­ab­íska blaðamann­inn Jamal] Khashoggi og eru hræðileg­ir þegar kem­ur að mann­rétt­ind­um. Þeir af­lífa fólk fyr­ir að vera sam­kyn­hneigt þarna.

Með þetta allt sam­an í huga, af hverju ætti ég einu sinni að íhuga þetta? Því þetta er ein­stakt tæki­færi til þess að end­ur­móta það hvernig PGA-mótaröðin virk­ar,“ sagði Mickel­son í viðtali við Fire Pit Col­lecti­ve-miðil­inn í fe­brú­ar.

Um­mæl­in vöktu mikla reiði hvarvetna og dró hann sig í hlé í kjöl­farið þar sem hann missti til að mynda af Masters-mót­inu í fyrsta skipti í 28 ár og tók ekki þátt á PGA-meist­ara­mót­inu í síðasta mánuði, þar sem hann átti titil að verja.

Mickel­son, sem hef­ur sex sinn­um unnið stærstu golf­mót heims, snýr þó aft­ur í vik­unni þegar fyrsta mót LIV-mót­araðar­inn­ar hefst í Lund­ún­um.

Frétt af mbl.is

Verður óvænt með í um­deildri mótaröð á veg­um Sádi-Ar­ab­íu

• Blogga um frétt