Tiger ekki með á Opna bandaríska

Tiger Woods, þekkt­asti kylf­ing­ur allra tíma, mun ekki taka þátt á Opna banda­ríska meist­ara­mót­inu sem hefst í næstu viku.

Hann er hins­veg­ar staðráðinn í að taka þátt á Opna breska mót­inu í næsta mánuði, er það fer fram í 150. skipti.  

Woods hef­ur verið að glíma við meiðsli und­an­farna mánuði eft­ir bíl­slys. Hann tók þátt á PGA-meist­ara­mót­inu í síðasta mánuði en tókst ekki að klára mótið sök­um meiðsl­anna.

„Ég hef látið sam­bandið vita að ég muni ekki keppa á Opna banda­ríska þar sem lík­am­inn þarf meiri tíma til að jafna sig og styrkj­ast fyr­ir ri­sa­mót.

Ég von­ast til og ég ætla mér að verða til­bú­inn að spila á Opna mót­inu í næsta mánuði. Ég hlakka til að mæta aft­ur á völl­inn fljót­lega,“ skrifaði Woods á Twitter.

• Blogga um frétt