Aron ofarlega í Danmörku

Aron Snær Júlí­us­son hafnaði í 13.-17. sæti á UNICEF-meist­ara­mót­inu í golfi sem lauk á Lübker golf­vell­in­um á Jótlandi í Dan­mörku í gær.

Aron lék síðasta hring­inn á mót­inu á 73 högg­um, einu yfir pari vall­ar­ins, en það var hans lak­asti  hring­ur eft­ir að hafa leikið hina tvo á 70 og 71 höggi og hann seig því aðeins niður töfl­una eft­ir að hafa verið tí­undi að tveim­ur hringj­um lokn­um.

Aron Bergs­son, Gísli Svein­bergs­son og Há­kon Harðar­son kepptu all­ir á mót­inu en komust ekki í gegn­um niður­skurðinn eft­ir tvo daga.

• Blogga um frétt