Ólafía á meðal 30 efstu

Ólafía Þór­unn Krist­ins­dótt­ir hef­ur lokið leik á Big Green Egg Open-mót­inu í Hollandi en mótið er hluti af Evr­ópu­mótaröðinni í golfi. Ólafía var á þrem­ur högg­um yfir pari fyr­ir loka­hring­inn í dag og lék síðasta hring­inn á 72 högg­um, á pari. Hún var í 29. sæti þegar hún lauk leik. 

Hún lék þriðja hring­inn í gær á 71 höggi eða á einu höggi und­ir pari Rosenda­elsche-vall­ar­ins. Hún lék einnig vel á fyrsta hring en þann hring fór hún á tveim­ur högg­um und­ir pari. Henni gekk brös­ug­lega á öðrum hringn­um er hún endaði hann á sex högg­um yfir pari.

Þetta er fjórða mót Ólafíu eft­ir að hún varð móðir og það fyrsta sem hún fer í gegn­um niður­skurðinn á. 

• Blogga um frétt