Guðmundur lék vel á öðrum hring í Bangkok

At­vinnukylf­ing­ur­inn Guðmund­ur Ágúst Kristjáns­son lék vel á öðrum hring á Thai­land Classic-mót­inu í Bang­kok í Taíl­andi í nótt. Mótið er hluti af Evr­ópu­mótaröðinni, þeirri næst­sterk­ustu í heimi.

Guðmund­ur Ágúst lék annan hring­inn á sam­tals 70 högg­um, eða tveim­ur högg­um und­ir pari vall­ar­ins.

Hann lék fyrsta hring sömuleiðis á 70 höggum og er því á fjórum höggum undir pari að loknum fyrstu tveimur hringjunum.

Guðmundur Ágúst fékk sjö fugla á öðrum hring, þrjá skolla og einn tvöfaldan skolla og er sem stend­ur í 41.-58. sæti þegar um helmingur keppenda á eftir að klára annan hring sinn.

Spánverjinn Rafa Cabrera Bello er í efsta sæti þegar hann hefur lokið tveimur hringjum á þrettán höggum undir pari. Í öðru sæti er Fabrizio Zanotti á ellefu höggum undir pari.

Uppfært:
Guðmundur fór örugglega í gegnum niðurskurðinn og er í 42.-58. sæti fyrir þriðja hring mótsins.

• Blogga um frétt