Sex atvinnukylfingar styrktir í ár
Setja bókamerki
Sex atvinnukylfingar fá úthlutað styrkjum frá afrekssjóðnum Forskoti á þessu ári en sjóðurinn hefur stutt fjárhagslega við bakið á íslenskum afrekskylfingum frá árinu 2012.
Frá þessu er greint á golf.is og þar kemur fram að þeir sex sem fái styrkina í ár séu Axel Bóasson, Bjarki Pétursson, Guðmundur Ágúst Kristjánsson, Guðrún Brá Björgvinsdóttir, Haraldur Franklín Magnús og Ragnhildur Kristinsdóttir.
Ragnhildur og Bjarki bætast við í hópinn frá síðasta ári en Aron Snær Júlíusson dettur út af listanum. Bjarki naut áður styrkjanna árin 2020 og 2021 en Ragnhildur er í hópnum í fyrsta skipti. Guðmundur Ágúst hefur verið lengst samfellt í hópnum, þetta er hans sjöunda ár í röð, en Axel hefur verið í hópnum frá árinu 2013, að undanskildum tveimur árum.
Að sjóðnum standa sex íslensk fyrirtæki í samvinnu við Golfsamband Íslands og fram kemur að frá stofnun sjóðsins hafi markmiðið verið að gera styrkþegum auðveldara fyrir að æfa og keppa við bestu skilyrði í samræmi við það sem gerist á alþjóðlegum vettvangi í golfíþróttinni.
Skemmdir á tækjum og búnaði á skíðasvæðinu
Nýtt að gestalistinn sé umræðuefni á Alþingi
/frimg/1/46/36/1463611.jpg)
„Það er búið að þvarga hérna fram og til baka“
Þjóðvegur 1 fór í sundur á nokkrum stöðum
„Ég veit hver aðkoma ráðuneytisins var“
Neyðarástand: Merki um landris og þúsundir flýja
Engar viðvaranir í kortunum næstu daga
„Lán að sá sem stóð við ræsið heyrði skruðningana“